සීතල හිම පිණි

සීතල හිම පිණි පාවෙලා
මල් කෙමි මත වෑහිලා
නුඹ නෙත් මානෙන් පායලා
සිත සිහිනෙක යාවෙලා

උනුහුම දිගේ ඇදෙනා හැඟුමන් ඉතිරෙන ලයේ
නෙතු පියාගමි කුමරියේ
රහසින් වගේ දැනෙනා සුවඳයි මා කැලඹුවේ
ඒ ඇසිල්ලේ
නුඹ ලඟ උන් යාමයේ
සංසාර ගීතේ කොඳුරලා
නිම්නාද සීතේ තවරලා
එක හීනෙක තටු සලලා
සිත නුබ තියන් මා දෙස බලන්
නෙත කොණහන් ඉඟියකින්
ආදර රහසක් කියන්

දෙසිතේ සිත්තම් මැවිලා
ආ මාවතේ සෙවණැළි ඇඳිලා
සුසුමක රහසක් එතිලා
මුදු සරයෙන් මුළු ලොව පිරිලා
සංසාර ගීතේ කොඳුරලා
නිම්නාද සීතේ තවරලා
එක හීනෙක තටු සලලා
සිත නුබ තියන් මා දෙස බලන්
නෙත කොණහන් ඉඟියකින්
ආදර රහසක් කියන්