හමුවී වෙන්වී ගෙවෙනා

හමුවී වෙන්වී ගෙවෙනා
අපෙ ඇසුරේ කෙළවර සොයලා
සැනසුම උකසට හරවා
මගේ හදවත මහන්සි වෙනවා

රන්හුයෙන් නුපුරුදු
එක් නොවේ නම් අපි මතු
ලොවට සමුදී එරෙහි වූ
එකම මොහොතේ පිටවෙමු

හමුවී වෙන්වී ගෙවෙනා....
ඔබ හින්දා

පුරාණයේ නිරන්තරේ
ඔබට හිරිහැර දිදී
මම ඔබේ ඇස් වලින්
දුක දොවන්නට ඇතී

පඩිසන් දී කරපු පව්
අපි වෙන්වී ගිය දුරක්
අදහන්නටත් බැරි තරම්
සත්තයි මගේ රත්තරන්

හමුවී වෙන්වී ගෙවෙනා....
ඔබ හින්දා

තුලා සඳේ රිදී ඉරේ
රැගෙන රශ්මිය මැකී
ලොවම අඳුරේ ගිලී
ආවේ අවසානේදී

හැම හමුවීමක් යටින්
මහා නොලබීමක් අරන්
කාලය ඉන්නවා බලන්
සත්තයි මගේ රත්තරන්

හමුවී වෙන්වී ගෙවෙනා....
රන්හුයෙන් නුපුරුදු....

හමුවී වෙන්වී ගෙවෙනා....
ඔබ හින්දා