ඇස් මායම්කාරී

හිත නැලවෙනව මල්මලිය දුටු දා ඉදන්
නින්දක් ආවෙ නැතුවා තමා
නිල් සිලිලාර නයනියට මං මත්වෙලා
හැම රාත්‍රියෙ මල් මන්දිර තනා
ලස්සනයි ඒතරං අතාරින්න බැරිතරං
මගෙ වෙනවාද රන් කඳ ඔයා

ඇස්මායම්කාරී මාගේ හිත එකෙන්ම ගත්ත
රතුසායම් පුසුඹයි රෝසී කම්මුල් මල් පෙත්ත
සංචාරෙ යං ආදරේ මගෙ පණ්ඩිත කෙල්ල
සිකුරාගේ නැකතක් බලා මම බඳිනව තැල්ල

මට ලියැවෙනව රංගනියෙ කවි පිටු ගනන්
නිල්මානෙල් ඇස් උපමා දමා
සබකෝලේ සබන්බෝල සේ පිම්ඹිලා
බිඳෙනවනේ ඔය ඇස්අග ඇනී
ඒ වුණත් රත්තරං ඔයාමයි ඉස්තරං
මගෙ කරගන්නව කල්‍ යල් බලා