නිල් තණකොල බුදින්ටයි

නිල් තණකොල බුදින්ටයි
හිතුනු තැනක ලඟින්ටයි
කැලේ වැටී නටන්ටයි
කැලේ අයිති අලින්ටයි

පුංචි ඇසුයි හොඬවැලයි
මහත ඇඟයි දළ දෙකයි
වදුල මැදින් මතුවෙනකොට
කැලෙත් එක්ක ලස්සනයි

නිල් තණකොල බුදින්ටයි
හිතුනු තැනක ලඟින්ටයි
කැලේ වැටී නටන්ටයි
කැලේ අයිති අලින්ටයි

රන් හිරු රැස් තීරුවයි
පුන්සඳ රැස් මාලයයි
වනන්තරේ නාවනකොට
අලිත් එක්ක ලස්සනයි

නිල් තණකොල බුදින්ටයි
හිතුනු තැනක ලඟින්ටයි
කැලේ වැටී නටන්ටයි
කැලේ අයිති අලින්ටයි...//