ඔබ කියාදුන්නූ පාඩමයි

දෑස පියෙනකල් ඉන්නම් ඔබ නමින් බලා
දුරක මෙන් ළඟින් හිඳිනා අයුරු විඳ දරා
එකම බැල්මකින් පවසා යන්න නැවතිලා
ඔය හිතේ ඉඩක් තියෙනා බැව් මගේ කියා
හමුනොවේ කෙනෙක් යලී ඔබ වගේ දැනෙන්න
කිසිමදාක නම් මේ ආත්මේ පුරා

නොලැබුණත් නොබිඳලා රැකගැනීම ආදරේ
ඔබ කියා දුන්නූ පාඩමයි
පැරදුණත් හිනැහිලා සුබ පැතීම ආදරේ
ඔබ කියා දුන්නූ පාඩමයි

රිදෙන හේතු කොතෙකුත් නම් ඇතත් ජීවිතේ
අවතැන් වෙලා වගේ අද මං
අපි අතර මතකේ
වරක් යන්න පුළුවන් නම් අතීතයට ඒ
ගිලිහෙන්න දෙන්නෙ නෑ මාගෙන්
ඔය දෑත එලෙසේ

අහිමි වීම පිළිගන්නම් උරුමෙ නම් මගේ
එනමුත් කෙසේ කියා නොදනිම්
ඔබ අතැරලන්නේ
ඉතින් එන්න හිතුනේ නම් දිනෙක මා කෙරේ
මොහොතක් ගෙවෙන්නෙ නෑ ඔබගෙන්
තොර දිවිය මාගේ