අතීත ගීය

සඟවන් නුවන් කඳුලින් තෙමා
සැනහී බලන් තරු මල් සිනා
දිලෙනා තුරා හිරුගෙන් ගෙනා
සඳ සේ මවන් හසරැල් සදා

එන්න යං ඈත තුරුලේ වෙලී
අතීත ගීය ඇසෙනා තුරා

ආයාචනා ගෙනා - මේ ගායනා අසා
හීනේ පුරා සිත්තම් කලා.. හීනේ පුරා සිත්තම් කලා….

කතරේ පුරා සොයමි ඔබේ
ඇසෙනා තුරා ඇරයුම් හදේ
සුලඟේ එතී ඉගිලී ගියේ
ඒ ප්‍රාර්ථනා දුරකින් පෙනේ

ගීත වර්ණ රූප චායා මැවේ
ඈත මිරිඟුවෙන් ඈ ගෙනේ

ආයාචනා ගෙනා - මේ ගායනා අසා
හීනේ පුරා සිත්තම් කලා.. හීනේ පුරා සිත්තම් කලා….

අවසන් නොවේ ගීතේ මගේ
සසරේ සදා ඇසේ
ලංවී ඔබේ හද විල් තෙරේ
විඳිමී හද ගී රසේ

පාට දුන්න හීන විසිරී ගියේ
පාලු නූනු ලෝකේ මගේ

ආයාචනා ගෙනා - මේ ගායනා අසා
හීනේ පුරා සිත්තම් කලා.. හීනේ පුරා සිත්තම් කලා….