අවසරයි මට

අවසරයි මට යන්න
නික්මිලා නුඹෙන් අද
දුර ඈත අනන්තයේ
සිහින මිටියාවතකට

කවදා හමූවේවිද ආයේ
සෙනෙහසින් මුමුණන්න රහසේ
අපේ නමින් ලියවුණු කතාවක්
අරඹන්න වේද ආයේ

සිත් අහසේ ඉකි ගසා
අඳුරින් බරවෙලා නොකිවූ කතාවක්
කියන්නට සැරසිලා
නුඹෙ සුසුමේ ආදරය දැනෙනවා
නොයා ඉන්නම බැරිද ඇස් අහනවා
අපේ නමින් ලියවුණු කතාවක්
අරඹන්න බලා හිඳිනවා

සඳ නික්ම ගිය දිනේ
මගෙ ලයට තුරුලු වී මිමිණුව රෑ පුරා
අපි අපේ වෙන්නෙ කවදද කියා
ඔබෙ නමින් ලියූ කවියක් වෙලා
සෙවණල්ල සේ රැදෙමි නුඹ ලඟ සදා
අපේ නමින් ලියවුණු කතාවක්
අරඹන්න බලා හිඳිනවා