ඇයද වැරදි? (සංසාරේ මා පැතූ)

සංසාරේ මා පැතූ
දෙවඟන ඔබම හින්දා
ස්වප්න පුරයේ මා මැවූ
ආදරේ ගීතයේ
සත්සර නුඹ වුනේ
ඇයිද මන්දා

සුහුඹුල් මුවඟ නුඹගේ
හසරැල් මවන රහසේ
කෙලෙසනු කෙලෙස
නුඹ ආදරී

සියපත් විලෙහි මලකි
උයනක සෙව්වන්දියකි
නාමලකි, සියපතකි,
සොඳුරී

පෝදා පෑයූ සඳකි
දෙව් ලොව සුරඹ ලියකි
සාලිය පෙම්කළ
මාලාවකි

පෝදා පෑයූ සඳ එළිය
ඇයි නොවිඳුවේ
සෙව්වන්දිය පොඩි කර
ඇයිද එය විසි කරේ
සිසිවත සුවය, මල් පහස
මනුසත් විලසින් නොවිඳ
සකිසඳ කිම සලෙලකු මෙන්
ඇය වැනසුවේ

මල් පෙති සුනුවිසුනු වී
මුදු මනි පත ද බිඳුනි
සුරඟන බඳු සුන්දර
ඇයද වැරදි?

සියපත් විලෙහි මලකි
උයනක සෙව්වන්දියකි
නාමලකි, සියපතකි,
සොඳුරී

පෝදා පෑයූ සඳකි
දෙව් ලොව සුරඹ ලියකි
සාලිය පෙම්කළ
මාලාවකි