දවසක මා (මං වගේ පෙම් කෙරූ)

මං වගේ පෙම් කෙරූ වෙන කවුරුවත්
ආයෙත් ලැබෙයි කියා පැතුවත් සිතින්
මේ භවයෙ පින් මහිම ඔබ හට නැතත්
මං පතමි ඔබේ සතුට මතු මතුවටත්

දවසක මා මේ ලෝකෙන් යාවී
එදාට මං නැති අඩුව දැනේවි
එන්නට හිතුනත් පෙර ලෙසම හැරී
එදාට ඔබ ලඟ මං නැති වේවී

පිංවන්ත ඇස් දිහා පෙම්වන්ත ලෙස බලා
මං හිතුවේ මගෙ ලෝකේ ඔබමයි කියා
ඔය ඇස් වලින් එදා තව කෙනෙකු දෙස බලා
ඔය ඇස් හොරෙන් වගේ ඔහුගේ වෙලා

දවසක මා මේ....

ලං වෙලා උන් දිනේ මට තිබුණු ආදරේ
හදිසියේ ඔහුට පුදන්නට වරදක් වුවාද මගේ
හඬන සිත හැම වෙලේ විමසන්නෙ ඔබේ මතකේ
කොහේ හෝ ඔබ සතුටින් නම් එයයි මගෙ පැතුම හදේ

මං වගේ පෙම් කෙරූ වෙන කවුරුවත්
ආයෙත් ලැබෙයි කියා පැතුවත් සිතින්
මේ භවයෙ පින් මහිම ඔබ හට නැතත්
මං පතමි ඔබේ සතුට මතු මතුවටත්

දවසක මා මේ ලෝකෙන් යාවී
එදාට මං නැති අඩුව දැනේවි
එන්නට හිතුනත් පෙර ලෙසම හැරී
එදාට ඔබ ලඟ මං නැති වේවී