ඉකිගසා හඬන

ඉකිගසා හඬන අතීතයක
කඳුලු එක්ක ගණුදෙනු කරනා
මට මගේ නොවන
මගේම ආදරයක් තිබුණා..

හීනෙන් හිනැහී තුන්‍ යම මා රවටා
මැදියම් මහ රෑ අදටත් හිත ඉගිලෙනවා
නින්දෙන් ඇහැරී කලුවරයෙම යළි සොයනා
මට මගේ නොවන
මගේම ආදරයක් තිබුණා..

රිදුමක් වාගේ කිසිදා සුව නොවෙනා
සුසුමින් විතරක් නිරතුරුවම පිරිමදිනා
උහුලණු බැරි තැන උණුකඳුලුම වගුරුවනා
මට මගේ නොවන
මගේම ආදරයක් තිබුණා..
මගේම ආදරයක් තිබුණා..
මගේම ආදරයක් තිබුණා..