පුතුනේ නිදනා Lyrics
පුතුනේ නිදනා මගේ තුරුලේ
සෙනෙහෙ කිරි කරලා රතු ලේ
උපනා වැඩෙන ලක් පොළොවේ
හමනා සුළඟ පවා අගනේ
නිල් වියනේ මල්බර වේ
උයනකි මේ සන්තෝසයේ
යායට පෙනෙනා කෙත සරු වේ
දා බිඳු මුතු වේ නුඹ නමිනේ
පූදින පියුමේ ලය පතුලේ
මා ගැන නොසිතේ පුතු ලඟනේ
මහ බෝ සෙවනේ සිලිසිලියේ
සිඹිනා මුනි සිරිපා පියුමේ
දළදා හිමිගේ රැකවරණේ
බැබළේ රන්වැලි සෑ අහසේ
දෙව්ලොවවේ මව්බිම වේ
රැකගන් මේ අම්මා වගේ
යායට පෙනෙනා කෙත සරු වේ
දා බිඳු මුතු වේ නුඹ නමිනේ
පූදින පියුමේ ලය පතුලේ
මා ගැන නොසිතේ පුතු ලඟනේ
