සිහින නෙළුම්‌ මල්‌.. පොකුණු පුරා..
මගෙ පුතුගෙ කිරි සිහිනේ.. සුවඳ කළා..
මගෙ ලොවම ඒ සිහිනෙන්‌.. පහන්‌ වෙලා..
කිරි සුවඳ දේ මුවඟේ.. පවන්‌ සලා..
බලා ඉඳින්නම්‌ මා.. දිව රෑ පුතේ..
මගෙ පුතු දිනෙන්‌ දිනේ.. ලොකු වෙන්න කෝ..
සුළැඟිල්ල පටලා.. හෙට යං පුතේ..
ඇවිදින්නට.. මා හා මිදුලේ වටේ..
අම්මා කියූ නාමේ.. මට දුන්‌ පුතේ..
රාජිනියකී.. දැන්‌ මා පුතුගේ පිනින්‌..
හැම මව්වරුන්‌ සේ.. අම්මා නුඹේ..
සතුටින්‌ විඳිම්‌.. පීඩා පුතුගේ නමින්‌..
පුතු දකින උදයේ.. හැමදාම දැන්‌..
නව දවසක්‌... මට නම්‌ දෙන වාසනා..
හිරු සඳු දවල්‌ රෑ.. මට පායනා..
පුතු මිස වෙනින්‌ කවුදෝ.. සුරතල්‌ පුතේ..
සිහින නෙළුම්‌ මල්‌.. පොකුණු පුරා..
මගෙ පුතුගෙ කිරි සිහිනේ.. සුවඳ කළා..
මගෙ ලොවම ඒ සිහිනෙන්‌.. පහන්‌ වෙලා..
කිරි සුවඳ දේ මුවඟේ.. පවන්‌ සලා..
සිහින නෙළුම්‌ මල්‌.. පොකුණු පුරා..
මගෙ පුතුගෙ කිරි සිහිනේ.. සුවඳ කළා...
